• Ager ena tarde auec lòc era presentacion oficiau d’aguesta òbra, que conten mès de 45.000 entrades e qu’ei eth resultat, per part der autor, de tota una vida de dedicacion e estimacion ar aranés

Ena tarde d’ager, 16 de seteme, auec lòc era presentacion deth Diccionari Castelhan – Aranés, Inventari des mots e des expressions dera lengua pròpria d’Aran, de Frederic Vergés Bartau.

Er acte, ath qu’assistiren 150 persones, compdèc, entre d’auti, damb era preséncia e participacion dera sindica d’Aran, Maria Vergés, eth president de Pagès Editors, Lluis Pagès, e eth professor de Lingüistica Romanica, Xavier Lamuela.

Aguest diccionari esdeven ua òbra de referéncia que conten mès de 45.000 entrades e qu’ei eth resultat, per part der autor, de tota una vida de dedicacion e trabalh pera normalizacion e preservacion der aranés.

Pendent aguest mes de seteme, se harà arribar as escòles, bibliotèques e Ajuntaments deth territòri e se poderà aquerir tanben enes libreries dera Val d’Aran e ena plana web dera editoriau Pagès.