S’a presentat en Conselh Generau d’Aran eth libre “Escultures” de Glòria Corona. Eth libre ei eth compendium d’ua vida e d’ua òbra, des dus protagonistes, era artista e autora, Glòria Corona, e eth fotògraf e editor, Tim Bateman, qu’a sabut captar es moments de lum e de maxima expression des pèces.

Era presentacion a compdat damb era preséncia deth cap de Cultura e Patrimòni, Jèp de Montoya.

En paraules de Montoya «aguesta òbra ei ua peça damb ua singularitat exquisita e dempús d’analizar moltes e moltes causes, sentiments e experiéncies, a sabut sintetizar d’ua manera excelsa era esséncia dera hemna aranesa.»

«En aguesta òbra, com en tantes d’autes, Glòria a estat capable de saber interpretar aquera voluntat e aquera manera de saber armonitzar era figura umana d’ua manera tant personau e carismatica que la hè lèu unica» a hijut Montoya.