Eth passat diuendres dia 25 d’agost auec lòc ena Residéncia Sant Antòni de Vielha (Val d’Aran) era presentacion des Gòis a Sant Ròc de Vilamòs en un acte organizat peth Grop Es Paums de Musica e cultura aranesa, tamb era collaboracion deth Conselh Generau d’Aran e der Ajuntament de Vilamòs.
Es Gòis son era quatau produccion en aranés deth Grop de Vilamòs e que coma ja ei ua tradicion la compartiren tamb es intèrns dera Residéncia.
Era presentacion anèc a cargue der autor dera letra Jèp de Montoya e deth promotor d’”Es Paums” Tònho Castet. Era música ei òbra deth compositor Jaume Masana CASTÈT e era orladura a estat diboishada per Jusèp Fenoy.
Ar acte i assistic Anna Diaz Conselhèra de Torisme e Desvolopament economic que liurèc a cada resident d’un exemplar des Gòis.
En acabar era presentacion es organizadors sigueren recebudi ena sedença deth Conselh Generau peth sindic d’Aran Carlos Barrera a qui liurèren un exemplar des Gòis.
