Vielha, 12 de noveme de 2018.- Eth Conselh Generau d’Aran seguís damb es accions enes pistes forestaus laguens des trabalhs de melhora e conservacion des accèssi ar auviatge naturau e culturau dera Val d’Aran.

Prevision de talhs setmana deth 12 ath 18 de noveme:

Era pista de St. Joan, de Varradòs entà Vilamòs, demorarà talhada pendent es 24 ores deth dia de deluns a dimenge.

Era pista de Varradòs, des deth horcadís d’Arròs enquia Bòrdes dera Artiga, demorarà talhada de 8:00 a 13:00 e de 14:30 a 19:30 ores deluns, dimars e diuendres. Dimèrcles e dijaus era pista serà talhada pendent es 24 ores. Dissabte e dimenge era pista serà daurida.

Es pistes dera Artiga de Lin, deth Pònt deth Còc ath parcatge dera Ermita e enquiath Plan dera Artiga demoraràn dubèrtes tota era setmana de deluns a dimenge.

Era pista de Mina Victoria, d’Arres de Sus ara Bassa d’Arres demorarà talhada pendent es 24 ores de deluns a dijaus. Eth diuendres era pista serà barrada de 8:00 a 13:00 e de 14:30 a 19:30 ores. Dissabte e dimenge era pista serà daurida.

Era pista de Mina Victoria, dera Bassa d’Arres entà Bossòst, de deluns a diuendres era pista demorarà talhada de 8:00 a 13:00 e de 14:30 a 19:30 ores. Dissabte e dimenge era pista serà daurida.

Era pista de Valarties, deth Pònt de Valarties ath Plan de Nera, demorarà dubèrta tota era setmana. Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.