Vielha, 25 de junh de 2019.- Eth Conselh Generau d’Aran contunhe damb es trabalhs enes pistes forestaus laguens es prètzhèts de melhora e conservacion des accèssi ar auviatge naturau e culturau dera Val d’Aran.

Prevision de talhs setmana deth 24 ath 30 de junh de 2019:

Era pista de St. Joan, de Varradòs en Vilamòs, demorarà talhada pendent es 24h deth dia de deluns a dimenge.

Era pista de Varradòs, deth crotze d’Arròs enquia Bòrdes dera Artiga, demorarà dubèrta eth deluns, talhada pendent es 24 ores dimars e dimèrcles. Es òbres provocaràn talhs puntuaus de 10 a 15 menutes de durada dijaus e diuendres. Era dimenjada era pista demorarà dubèrta.

Es pistes dera Artiga de Lin, deth Pònt deth Còc ath parcatge dera Ermita e enquias Uelhs deth Joeu demoraràn dubèrtes eth deluns. De dimars a dijaus es òbres provocaràn talhs puntuaus de 10 a 15 menutes de durada. Diuendres e dissabte es pistes seràn talhades pendent es 24 ores deth dia. Dimenge es pistes seràn dubèrtes.

Era pista de Mina Victòria, d’Arres de Sus ara Bassa d’Arres demorarà dubèrta eth deluns. Eth dimars es òbres provocaràn talhs puntuaus de 10 a 15 menutes de durada. Dimèrcles e dijaus era pista demorarà talhada de 8:00 a 13:00 e de 14:30 a 19:30 ores. Eth diuendres es òbres provocaràn talhs puntuaus de 10 a 15 menutes de durada. Era dimenjada era pista demorarà dubèrta.

Era pista de Mina Victòria, dera Bassa d’Arres enquia Bossòst demorarà dubèrta eth deluns. De dimars a diuendres es òbres provocaràn talhs puntuaus de 10 a 15 menutes de durada. Era dimenjada era pista demorarà dubèrta.

Era pista de Valarties, deth Pònt de Valarties enquiath Plan de Nera, demorarà dubèrta tota era setmana.

Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.