Vielha, 29 de mai de 2019.- Eth Conselh Generau d’Aran contunhe en tot trabalhar damb accions enes pistes forestaus laguens des prètzhèts de melhora e conservacion des accèssi ar auviatge naturau e culturau dera Val d’Aran.

Prevision de talhs era setmana deth 27 de mai ath 2 de junh de 2019:

Era pista de St. Joan, de Varradòs en Vilamòs, demorarà talhada pendent es 24 ores deth dia de deluns a dimenge.

Era pista de Varradòs, deth crotze d’Arròs enquia Bòrdes dera Artiga, demorarà talhada pendent es 24 ores deth dia de deluns a dimenge.

Es pistes dera Artiga de Lin, deth Pònt deth còc ath parcatge dera Ermita e enquias Uelhs deth Joeu demoraràn dubèrtes de deluns a diuendres, es òbres provocaràn talhs puntuaus de 10 a 15 menutes de durada. Era dimenjada es pistes demoraràn dubèrtes.

Ena pista de Mina Victòria, d’Arres de Sus ara Bassa d’Arres es òbres provocaràn talhs de 08:00 a 13:00 ores e de 14:30 a 19:30 ores de deluns a diuendres. Era dimenjada era pista demorarà dubèrta.

Ena pista de Mina Victòria, dera Bassa d’Arres enquia Bossòst, es òbres provocaràn talhs puntuaus de 10 a 15 menutes de durada, de deluns a diuendres. Dissabte e dimenge era pista serà dubèrta.

Era pista de Valarties, deth Pònt de Valarties ath Plan de Nera, demorarà dubèrta tota era setmana.

Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.