Proteccion Civiu dera Generalitat a emetut ua Prealerta deth Plan de Proteccion Civiu de Catalonha PROCICAT deuant era prevision deth Servici Meteorologic de Catalonha (SMC) de fòrtes raches de vent aué dimars e dimèrcles en Pirenèu.

Eth SMC preve un episòdi de fòrts vents de component sud e oèst, que pòden superar es 90 km/ora, que començaràn aué dia 15 peth maitin damb afectacion enes comarques deth Pirenèu Occidentau, ena Val d’Aran, enes Palhars e ena Nauta Ribagòrça, e que pera tarde poderà afectar dejà en tot eth Pirenèu en tot ahiger-se enes comarques afectades deth Naut Urgèl, era Cerdanha e eth Ripolhés. Eth dimèrcles 16 de seteme es raches de fòrt vent poderàn afectar en tot eth Pirenèu e Prepirenèu. Es afectacions per fòrt vent seràn mès que mès enes còtes nautes.

Proteccion Civiu dera Generalitat recomane extremar era prudéncia mès que mès enes desplaçaments enes zònes afectades per fòrt vent pendent aguesti dies e tanben era realizacion d’activitats en exterior, en especiau ena montanha e en miei naturau en generau. Tanben s’arrebrembe era recomanacion de retirar objèctes non estàtics des façades e terrasses e arrecuélher era ròba des estenedors entà evitar qu’eth vent les pogue hèr a quèir en carrèr e provocar un accident. En carrèr, susvelhatz damb eth mobiliari urban, er arbrat e tot aquerò qu’eth vent pogue hèr a quèir. Toti es conselhs de Proteccion Civiu deuant ventades en http://interior.gencat.cat/ventades