Proteccion Civiu dera Generalitat, d’acòrd damb era informacion facilitada per Institut Cartogràfic e Geologic de Catalonha manten era situacion de Prealerta deth Plan especiau d’emergéncies per lauegi en Catalonha ALLAUCAT.

Tanben i a en vigor ua prealerta deth plan NEUCAT pera prevision de nheuades aué e deman en Pirenèu Occidentau.

Ena Val d’ Aran-Franja Nòrd dera Pallaresa, eth perilh de lauegi entà aué diuendres ei FORT (4 en ua escala de 5). S’an acumulat enquiad aguest maitin 25-30 cm de nhèu recenta en còtes nautes e damb er efècte deth vent se formen granes sobreacumulacions de nhèu ventada es orientacions que van de nòrd-èst tà sud; ath long deth dia contunharà era acumulacion de nhèu recenta e era formacion de plaques de nhèu ventada.

Son probables lauegi de placa ath pas d’ua persona en fòrça vessants e pòden èster de mesura sufisenta entà penjar un grop de persones. Era frequéncia e mesura des lauegi anarà en aument ath long dera jornada, e poderàn quèir de forma espontanèa. Dissabte se manten era madeisha situacion.

Cau extremar era precaucion enes zònes damb perilh mès naut.

Segontes informe eth Servici Catalan de Trànsit (SCT), es afectacions enes carretères per nhèu se trapen en (entàs 12h15h):

N-141: obligatori cadenes i restringit el pas de vehicles articulats entre Bossòst i la frontera francesa

N-230: obligatori cadenes i restringit el pas de vehicles articulats entre Bono (Aragó) i Vielha

C-13: obligatori cadenes d’Escaló a Esterri d’Àneu

C-142b: obligatori cadenes de Baqueira al Pla de Beret

C-147: obligatori cadenes d’Esterri d’Àneu a Alòs d’Isil

C-28: obligatori cadenes de Vielha a Esterri d’Àneu

L-500: obligatori cadenes des de Pont de Suert a Caldes de Boí

L-501: obligatori cadenes entre la L-500 i el Pla de l’Ermita;