• Proteccion Civiu a metut en Alèrta eth plan PROCICAT per fòrt vent atengut er avís de 4 sus 6 deth Servici Meteorologic de Catalonha (SMC) ena Val d’Aran e de 3 sus 6 ena rèsta deth Pirenèu occidentau e centrau
• Es raches mès fòrtes seràn sustot a compdar d’aguesta tarde e pendent eth ser enes còtes nautes deth Pirenèu e mès que mès ena meitat oèst
• Dehòra deth Pirenèu e Prepirenèu non i a prevision de fòrts vents

Proteccion Civiu dera Generalitat a metut en Alèrta eth Plan de Proteccion Civiu de Catalonha PROCICAT deuant era prevision deth Servici Meteorologic de Catalonha SMC de fòrtes raches de vent a compdar d’aué ath meddia e entà deman peth maitin en Pirenèu, sustot ena mitat oèst dera Val d’Aran.

Eth SMC preve qu’es raches mès fòrtes de vent, superiores as 90 km/h, se produsisquen sustot enes còtes nautes deth Pirenèu, concrètaments en: Val d’Aran, Pallars Sobirà, Pallars Jussà, Alta Ribagorça, Alt Urgell e Cerdanya. Eth vent boharà deth sud.

Segons era prevision deth SMC, eth fenomèn de fòrt vent finalizarie a compdar de deman peth maitin.

Proteccion Civiu dera Generalitat recomane extremar era prudéncia mès que mès enes desplaçaments enes zònes afectades per fòrt vent. Tanben s’arrebrembe era recomanacion de retirar tèsts e d’auti objèctes non estàtics des faciades e terrasses e arrecuélher era ròba des estenedors entà evitar qu’eth vent les pogue hèr a quèir en carrèr e provocar un accident. En exterior, susvelhatz damb eth mobiliari urban, er arbrat e tot aquerò qu’eth vent pogue hèr a quèir. Toti es conselhs de Proteccion Civiu deuant ventades en http://interior.gencat.cat/ventades