• Pendent aguesta amassada, se tractèren diuèrsi ahèrs importants entath territòri coma eth projècte de biomassa que prebotge eth Conselh Generau d’Aran o es ajudes en matèria de violéncia de genre que contemple eth Pacte d’Estat

Pendent era tarde d’ager, 15 de noveme, s’amièc a tèrme era prumèra amassada presenciau deth Conselh de Bailes der inici dera pandèmia ençà.

Pendent aguesta amassada, se tractèren diuèrsi ahèrs, entre eri eth projècte de biomassa en que trabalhe eth govèrn aranés e qu’a de perméter, damb era collaboracion des Ajuntaments e EMDs deth territòri, generar ua economia verda. En aguest sens, era sindica d’Aran, Maria Vergés, asseguraue que: “aguest projècte de gestion forestau sostenibla serà eth punt de partida entà gestionar es nòsti recorsi mejançat ua silvicultura activa, respectuosa damb era biodiveritat, era fauna e eth torisme, atau coma generadora d’activitat e lòcs de trabalh”.

Tanben se parlèc sus eth Pacte d’Estat contra era Violéncia de Genre, era sindica informèc as alcaldes e alcaldesses sus era linha d’ajuts que s’aufrissen as entitats locaus en metèria de violéncia de genre e aufric eth supòrt tecnic deth Conselh Generau d’Aran en aguest airau a toti aqueri ajuntaments e EMDs qu’ac agen de besonh.

Entre d’auti ahèrs, tanben s’aprovèc eth representant deth Conselh de Bailes en Conselh Economic e Sociau dera Val d’Aran.