Eth conjunt de Manresa se trape ena Val d’Aran realizant er stage de pretemporada.

Era plantilha e eth còs tecnic an estat recebudi peth vicesindic d’Aran e conselhèr d’Espòrts, Luis Carlos Medina.

Er ICL Manresa, equipa dera Liga ACB de basquet, se trape ena Val d’Aran en tot realizar un stage de preparacion entara pròplèu sason 2016-17 que començarà en mes d’octobre. Autant era plantilha coma eth còs tecnic an estat recebudi ena sedença deth Conselh Generau d’Aran peth vicesindic d’Aran e conselhèr d’Espòrts, Luis Carlos Medina.

Es manresans, que demoren ena Val d’Aran enquia finaus de setmana, realizen sessions fisiques principauments enes installacions deth Palai d’Espòrts de Vielha.

“Des deth Conselh Generau d’Aran èm fòrça contents de poder compdar damb era visita der ICL Manresa e demoram qu’er stage de pretemporada en nòste territòri les servisque tà obtíer grani resultats”, a comentat eth vicesindic d’Aran, Luis Carlos Medina.

Eth dimenge, 28 d’agost, se demore era arribada entara Val d’Aran deth Movistar Estudiantes e deth Dominion Bilbao Basket, equipes tanben dera liga ACB de basquet.

Vielha, 25 d’agost de 2016

Conselh Generau d’Aran: Núria Sanjuan