Vielha, 19 de seteme de 2017.-  Eth passat dijaus eth vicesindic d’Aran e conselhèr d’Espòrts, Luís Carlos Medina, arrecebec a ua representacion dera Equipa Internacionau MASSI-KUWAIT CYCLING PROJECT ena sedença deth Conselh Generau d’Aran.

Es institucions araneses, Conselh Generau d’Aran, Torisme Val d’Aran e Ajuntament de Naut Aran, hèn costat ara mèrca catalana de biciclètes MASSI, promotora d’aguesta equipa ena que hè concurréncia er esportista aranés Ruben Caseny.

Ruben Caseny ei un des esportistes de naut nivèu dera Val d’Aran qu’a compdar de hè ans collabòre damb eth Conselh Generau d’Aran e Torisme Val d’Aran ena promocion dera Val d’Aran a trauès dera sua participacion en pròves ciclistes nacionaus e internacionaus.
Eth vicesindic d’Aran e conselhèr d’Espòrts, Luís Carlos Medina, soslinhèc un còp mès era importància qu’a entara maximala institucion aranesa eth hèt de sostier a esportistes deth país que pòrten era imatge d’Aran arreu deth mon.