A compdar deth 15 de junh entrarà en vigor, coma cada ostiu, era regulacion der accès motorizat d’accès as ribères de Valarties e Aiguamòg.

Deth 15 de junh enquiath 15 de seteme, eth Conselh Generau d’Aran regularà especificament er accès motorizat as ribères de Valarties e Aiguamòg.

Es veïculs autorizadi auràn de dispausar deth distintiu que les identifique, eth distintiu s’a de sollicitar enes ajuntaments dera Val d’Aran, e a ua vigéncia triannau.

Es veïculs autorizadi an de complir es següents requisits:

– An de pagar er Impòst de Circulacion (IVTM) en bèth un des Ajuntaments dera Val d’Aran.
– Es “taxis” que hèn eth servici de transpòrt as zònes d’accés restringit.
– Es veïculs particulars des proprietaris des finques plaçades ena zòna d’accés restringit.
– Excepcionauments, es veïculs particulars des persones qu’an o realizen bèra activitat empresariau, culturau o scientifica, autorizada per organisme competent laguens dera zòna d’accés restringit, e sonque pendent eth temps de besonh entà realizar era activitat en concrèt.

Foto: Laurenç Nart

En paraules dera conselhèra de Torisme, Comèrç e Consum, Anna Díaz, “volem regular er accès en benefici dera gent que vò gaudir dera natura a pè. Atau madeish tanben suenham eth miei ambient, un des principaus atractius dera nòsta destinacion toristica”.