Vielha, 7 de hereuèr de 2019.- Eth GRM (Grop de Rescat de Montanha) des Pompièrs d’Aran, tecnicians deth Centre de Lauegi deth Conselh Generau d’Aran, Guides de Montanha d’Aran e ua unitat canina de Gendarmes, amassa damb era unitat de montanha des Mossos d’Esquadra atengueren ager a tres esquiaires estonats per un laueg ena zòna dehòra pista deth Tuc dera Lança, a on un d’eri demorèc atrapat.

Er avís s’arrecebec sus es 12.35 ores.

Dus des esquiaires heridi leugèrs sigueren trasladadi en ambulància en espitau dera Val d’Aran en Vielha. Eth tresau esquiaire, herit grèu, siguec trasladat en elicoptèr de Bombers dera Generalitat prumèr enquiar elipòrt de Vielha e dempús derivat des der Espitau dera Val d’Aran en Espitau Arnau de Vilanova en Lhèida en elicoptèr medicalizat.

Eth Centre de prediccion de Lauegi deth Conselh Generau d’Aran manten entà aué eth nivèu de perilh de lauegi Mercat 3 per plaques persistentes en zònes ombrères e nhèu umida aguest meddia en solanes. Se recomane fòrça precaucion.