Vielha, 4 d’agost de 2017.- Eth Govèrn d’Aran a aprovat aguesta setmana er inici des trabalhs entara reubicacion des servicis administratius e dera direccion der Espitau dera Val d’Aran. Aguesti servicis se plaçaràn a partir d’ara en un locau d’ua bastissa adjacenta en madeish espitau que sigueren aqueridi peth Conselh Generau d’Aran.

Es servicis administratius e de direccion der espitau aucuparàn un locau de dues plantes damb un totau de 287m, enes que s’i installaràn 8 burèus e 3 sales de reünions. Eth Govèrn d’Aran destine un pressupòst de 123.953 € entara reforma interior des naues installacions.

Aguesta accion permeterà començar en un futur pròplèu es següentes fases de reforma der Espitau dera Val d’Aran, consistentes en traslat deth laboratòri e era reforma deth blòc quirurgic e obstetric damb eth bastiment de dus naui quirofans ena actuau bastissa der espitau.