Eth sindic d’Aran, Carlos Barrera, per invitacion deth gerent dera empresa Carboneco- Neolectra, Antonio Cortés, a assistit aguest maitin ara reünion damb tota era plantilha de trabalhadors ena quau eth gerent a explicat es projèctes de futur deth grop Sandton.

Cortés, tanben a arregraït publicament es gestions realizades des deth Conselh Generau d’Aran dauant deth Departament d’Industria e Energia dera Generalitat de Catalonha e der Institut Catalan de Finances.

“Çò fòrça satisfet d’auer pogut aportar era ajuda deth Conselh Generau d’Aran entà recuperar toti es lòcs de trabalh de Neolectra e retornar era estabilitat as 18 familhes afectades” a manifestat eth sindic d’Aran, Carlos Barrera.