Vielha, 10 d’abriu de 2017.- Eth sindic d’Aran Carlos Barrera e eth vicesindic Luís Carlos Medina, s’an amassat aué damb eth President dera Generalitat Carles Puigdemont a qui an expressat era volontat deth Conselh Generau d’Aran atau coma eth besonh de desplegar en sòn conjunt era Lei 1/2015 de regim especiau dera Val d’Aran.

Pendent era amassada en Palau, eth sindic d’Aran a demanat ath President dera Generalitat era maximala sensibilitat per part deth Govern entà començar era negociacion deth nau modèl de finançament tau coma preve era Lei 1/2015. Es disposicions addicionaus dera Lei d’Aran, preven un termini de tres ans des dera sua aprobacion entà revisar de forma bilaterau entre eth Conselh Generau d’Aran e era Generalitat eth modèl de finançament dera Val d’Aran.

A dita reünion tanben a assistit era conselhèra de Governació Meritxell Borràs, a on s’an tractat diuèrsi ahèrs restacadi entre eth Govèrn d’Aran e es departaments dera Generalitat de Catalonha.

Foto: Jordi Bedmar