Vielha, 27 de deseme de 2018.- Eth cicle de visites-concèrts gratuïts Romanic Musicau dera Val d’Aran, que celèbre eth sòn 20 aniversari, torne damb era version de Nadau damb dus concèrts que se celebraràn pendent aguestes hèstes e que mantieràn eth format abituau que prumèr se hè ua conferéncia sus era glèisa en que se realize eth concèrt.

Eth prumèr des concèrts ei aué dijaus as 20.00 ores ena glèisa de Santa Maria d’Arties, damb eth concèrt deth Trío Palatino, format per Roberto Casado (flaüta), Carlos Seco (viòla) e Sergio Larrión (guitarra), tres musicians damb ua ampla experiéncia ena musica de camèra qu’aufriràn un repertòri damb grana varietat estilistica damb òbres deth clasicissisme italian e centreuropèu.

Eth dusau concèrt deth Romanic Musicau Nadau 2018 serà eth pròplèu dijaus 3 de gèr (20:00 ores) ena glèisa de San Miquèu de Vielha, qu’acuelherà eth concèrt de Barcelona Chambers Players, un sextet format per Charo Tris (soprano), Natalia Borysiuk (violin I), Guillem Tornè (violin II), Aitor Canales (viòla), Svetlana Tovstukha (violonceu) e Melani Mestre (piano e direccion).

En tot finalizar aguest dusau concèrt, se celebrarà era clausura deth 20 aniversari deth Romanic Musicau damb joeni musicians des escòles de musica dera Val d’Aran.

Eth cicle Romanic Musicau ei patrocinat peth Conselh Generau d’Aran e Foment Torisme Val d’Aran, damb era collaboracion deth Talher de Musica Maite Fernández, era Escòla de Musica Val d’Aran, era Escòla Tschaikovski Balh e Musica e er Arxiprestat dera Val d’Aran. Aguest cicle gratuït refortilhe eth programa de visites guidades ath auviatge qu’amie a tèrme eth Conselh Generau d’Aran.

Info: Idees i Projectes