Era equipa de dessenh de SarahWorld, (mèrca joena deth grop Sara Navarro cabecièr deth sector de cauçat en Espanha), presentarà ena edicion Snowfest Pireneus 2015 era colleccion càpsula SarahWorld de sabates e complements d’iuèrn Eco-cold, Eco-chic. Se presentarà tanben en “premier” era bossa Pirenèus, mès que mès dessenhat entara tresau edicion d’aguest hestivau d’iuèrn qu’aurà lòc ena Val d’Aran deth 27 ath 29 de noveme.

Bossa Pirenèus

Ua mòstra de sabates d’iuèrn, bòtes e complements damb nòms coma Baqueira, Aran, Nhèu, Aneto o Montgarri, dessenhades e fabricades artesanalment pera equipa de Sara entara sua colleccion iuernau e Eco-chic SarahWorld, poderà veder-se ena edicion de Snowfest Pirenèus d’enguan. Serà concrètaments en recinte de Winter Expo, eth salon de mèrques tecniques nhèu e mòda esportiua e d’iuèrn que transcor en parallel ad aguest hestivau, çò de mès d’important des Pirenèus.

Se presentarà tanben era Bossa Pirenèus, ua bossa mès que mès customizada entad aguesta edicion de Snowfest. Se tracte d’ua bossa charol color cardenal pintat ara aigua damb dobla tapeta de doublé acharolada damb revés blu marin de peu arrissat damb chapón metallic en frontau e mèrca grauada eth baish relèu. Ath laguens, antelina damb efècte smooth e dobles compartiments.

Botes Baqueira

Era bossa, atau coma es sabates e complements de SarahWorld, era linha Eco-cool, Eco- chic deth grop Sara Navarro, se sostien sus quate pilars: dessenh, tradicion e artesania, ecologia e sostenibilitat e innovacion.

“Es Pirenèus an estat aguest còp era mia inspiracion entà dessenhar aguesta bossa, a on era pèth e eth peu representen era autenticitat e era tradicion d’aguestes majestuoses montanhes, e eth dessenh Eco-cool, damb es xarols tornasolados en tot representar era aigua e eth peu tinturat de colors, er aspècte mès modèrne e innovador des estacions d’esquí dera Val d’Aran, coma Baqueira Beret”- explique era dessenhaira.

Snowfest 2015 arrincarà eth diuendres 27 de noveme damb era inauguracion oficiau en Vielha, presidida per Aymar Navarro, coneishut freerider e pairin dera edicion d’enguan, e eth dissabte 28 en scenari de Winter Expo e ath costat des dessenhs de Sarah World, Oriol Balaguer, un des melhors mèstres pastissers d’Espanha presentarà eth Bombon Snowfest en ua degustacion publica.

Era tarde deth dissabte arrincarà damb era projeccion deth vidèo “Searching the Line” d’Aymar Navarro, entà contunhar damb un espectacle de patinatge artistic que recree scènes deth Rei León, eth concèrt deth grop indie-ròck Kid Wise e ua session de musica electronica damb eth DJ D-Yan.

E fòrça mès, pr’amor qu’en programa Snowfest 2015 i aurà tanben ua dança flashmob en aumenatge ara nhèu, mòstres d’artesania e degustacion dera variada gastronomia dera Val d’Aran, desfilades de mòda, passades de documentaus restacadi damb era nhèu, ioga, visites guidades per bères ues des mès bères glèises romaniques dera zòna e un long eca d’activitats entà toti es publics que culminarà damb eth tòia de fortfaits entara estacion de Baqueira Beret, esquís e ua plaça entà GORE-TEX Experience Tour, ua expedicion de Freeriding ath costat d’Aymar Navarro, que debanarà enes ièrles Lofoten eth 2016.

Aguestes activitats son possibles mercés ara collaboracion deth Conselh Generau d’Aran, Torisme Val d’Aran, Baqueira-Beret, es Ajuntaments de Naut Aran, Vielha e Mijaran, e Bossòst, era Deputacion de Lhèida, IDAPA o eth Consòrci de Comèrç e Mòda de Catalonha (Generalitat de Catalonha) e fòrça autes entitats e establiments collaboradors que s’an somat aguesta edicion de Snowfest Pirenèus 2015.

Snowfest Pirenèus- Benvengut ar iuèrn

Snowfest Pirenèus ei un hestivau dera nhèu que neishec eth 2013 e qu’eth 2015 celèbre era sua tresau edicion deth 27 ath 29 de noveme, ena Val d’Aran, entà dar era benvenguda ar iuèrn enes Pirenèus. Er eveniment diferéncie dus aspèctes: un Hestivau, damb activitats esportiues, ludiques, artistic-culturaus, musicaus e gastronomiques a trauès d’un complèt programa entà toti es publics que rebat era manèra de vida e es activitats de montanha mès destacada des Pirenèus centraus. Ua hèira, damb eth salon d’iuèrn Winter Expo en Palai d’Espòrts de Vielha, a on s’exibiràn prumères mèrques de nhèu (ròba tecnica e materiau d’espòrt), mòda d’iuèrn, es prepauses d’òci de torisme iuernau e era presentacion des eveniments dera sason de nhèu.

Sara Navarro

Sarah World ( by Sara Navarro group )

Eth grop Sara Navarro aparten ara tresau generacion d’ua familha de mestieraus e industriaus deth cauçat dera ciutat d’Elda, en Alacant, ua zòna tradicionauments dedicada ad aguest sector. En junhsèga de 1979, se cree era mèrca omonima, en tot aportar ara empresa familhar eth sòn esperit de dessenh, avantgarda e creativitat. Des der an 2000 dirigís era companhia, SarahWorld, que compren diuèrses linhes de cauçat, bosses e complements jos er “slogan” Eco-Cool / Eco-Chic: dessenhs damb esperit green friendly, reflèxe d’un consum responsable e un compromís damb era planeta, que se n’expòrte 80% dera produccion. Era dessenhaira a arrecebut prèmis de grana importància qu’apiegen era sua trajectòria professionau, que se tròben entre eth Prèmi FEDEPE ara Hemna Empresària der An 2002, o era Medalha d’Aur ath Merit enes Bères arts eth 2005