• En tot seguir es protocòls establidi, eth Conselh Generau d’Aran indemnizarà era mòrt der animau ath ramadèr afectat entà cobrir era pèrta deth cap de bestiar pr’amor qu’es indicis dera preséncia der os son evidents

Era passada net de deluns se produsic un atac d’os a ua oelha de quate ans en Gessa, a pògui mètres dera carretèra.

Es Agents de Miei Ambient deth Conselh Generau d’Aran s’apropèren ara zòna entà realizar eth peritatge, a on trapèren indicis dera preséncia der os e s’an trapat tanben evidéncies clares enes rèstes deth cadavre.

Eth departament de Territòri, Paisatge e Miei Ambient se harà cargue dera compensacion ath ramadèr afectat entà cobrir era pèrta deth cap de bestiar.