• Eth cas a estat confirmat a trauès de pròva PCR

Era persona afectada se trape en isolament domiciliari. En aguesti moments s’a metut en marcha eth protocòl de seguiment, d’acòrd damb eth Servici de Vigilància Epidemiologica e es professionaus sanitaris d’atencion primària der Espitau Val d’Aran realizaràn un seguiment as contactes dera persona afectada, entà comprovar que non i age mès contagiadi.

Eth govèrn deth Conselh Generau d’Aran rebrembe ara ciutadania aranesa qu’ei de besonh seguir totes es mesures preventives establides pes autoritats sanitàries entà evitar un nau rebròt de COVID-19 en Aran, que harie tornar a hèr passi endarrèr ath nòsti territòri.

Actuaument, eth totau de casi confirmadi ena Val d’Aran ei de 129: 94 detectadi a trauès dera pròva PCR (identifique era infeccion) e 35 a trauès de test serologics (identifique era immunitat).