• Aguest nau postiu, qu’a estat confirmat a trauès dera pròva PCR, ei vinculat damb eth brot detectat a finaus de junh e se trape en isolament domiciliari

• Atau madeish, s’an confirmat a trauès des analisis immunologics tres casi positius que s’aurien contagiat temps endarrer, qu’an creat anticòssi e ja non pòden transméter era malautia

Actuaument, eth totau de casi de COVID-19 confirmadi en Aran ei de 183: 106 detectadi a trauès dera pròva PCR (qu’identifique era infeccion) e 77 a trauès des pròves immunologiques (qu’identifique era inmunitat).

Des deth govèrn deth Conselh Generau d’Aran s’insistís en demanar responsabilitat e prudéncia e en que s’apliquen es mesures de seguretat recomanades (distància, mascareta e igièna) entà esvitar un nau rebròt.