• Carlos Barrera a estat reelegit sindic d’Aran.

• Er acte a compdat damb era preséncia dera vicepresidenta dera Generalitat de Catalonha, Joana Ortega.

Era Casa deth Senhor d’Arròs a acuelhut aué, 15 de junh, er acte de constitucion deth nau Conselh Generau d’Aran e dera prèssa de possession des naui conselhèrs qu’an elegit ath nau sindic d’Aran, Carlos Barrera, de Convergéncia Democratica Aranesa- Partit Nacionalista Aranés (CDA- PNA), qu’afrontarà era sua cincau legislatura (ja siguec Sindic entre eth 1995 e eth 2007 e entre eth 2011 e 2015). Er acte a compdat damb era preséncia dera vicepresidenta deth Govèrn dera Generalitat de Catalonha, Joana Ortega.

En paraules deth sindic d’Aran, Carlos Barrera, “eth desplegament dera naua Lei d’Aran aprovada en passat gèr en Parlament de Catalonha e era melhora deth nòste finançament son es prioritats entàs pròplèus quate ans” Barrera a aprofitat entà demanar ara vicepresidenta deth Govèrn, Joana Ortega “ua reünion dera Comission bilaterau Conselh Generau- Generalitat entà auançar en desplegament dera naua Lei d’Aran.

Pera sua part, Ortega, a manifestat que “pendent era prumèra quinzea deth mes de junhsèga celebraram era reünion dera secretaria permanenta dera Comission Conselh Generau d’Aran- Generalitat de Catalonha entà tractar eth desplegament dera Lei d’Aran”.

Cossent damb es resultats des eleccions deth passat 22 de mai, era composicion deth Conselh sorgida des urnes ei era següenta: 7 conselhèrs de CDA-PNA, 5 conselhèrs d’UA-PSC-CP e 1 conselhèr deth PRAG.

Eth Conselh Generau d’Aran estarà format per 13 conselhèrs distribuïdi enes sies terçons istorics:

Terçon de Pujòlo. 2 membres:

– Mgfc. Sr. César Ruiz- Canela Nieto (CDA- PNA)
– Mgfc. Sr. Francisco Bruna Capel (UA-PSC- CP)

Terçon d’Arties e Garòs. 2 membres:

– Mgfc. Sr. Luis Carlos Medina Modroño (CDA- PNA)
– Mgfc. Sr. José Antonio Bruna Vilanova (PRAG)

Terçon de Castièro. 4 membres:

– Mgfc. Sr. Carlos Barrera Sánchez (CDA- PNA)
– Mgfca. Sra. Anna Díaz Morelló (CDA- PNA)
– Mgfc. Sr. Juan Antonio Serrano Iglesias (UA-PSC- CP)
– Mgfca. Sra. Maria Vergés Pérez (UA-PSC- CP)

Terçon de Marcatosa. 1 membre:

-Mgfc. Sr. Jose Enrique Arró Cuny (CDA- PNA)

Terçon d’Irissa. 1 membre:

-Mgfc. Sr. Francesc Medan Juanmartí (CDA- PNA)

Terçon de Quate Lòcs. 3 membres:

-Mgfc. Sr. Francesc X. Boya Alòs (UA-PSC-CP)
-Mgfc. Sr. Amador Marqués Atés (UA-PSC-CP)
-Mgfc. Sr. Jose Antonio Boya Quintana (CDA- PNA)