Eth Conselh de Govèrn del Conselh Generau d’Aran, en session ordinària de 7 d’abriu de 2015, aprovèc eth Plan Especific de Pesca dera Val d’Aran, sason 2015, enes tèrmes qu’ara seguida s’especifiquen:

1) Periòdes obrants. Es periòdes obrants entara presenta sason son es que se detalhen ara seguida:

– Garona: deth dia 30 de mai ath 30 d’agost de 2015, es dimèrcles, dissabtes, dimenges e hestèrs.

– Enes lacs de nauta montanha, comence eth dia 30 de mai de 2015 (sonque s’era major part deth lac ei desgelat) e s’acabe eth dia 29 de seteme de 2015.

– Ena zòna de pesca controtlada dera bassa d’Aiguamòg: comence eth 2 de mai de 2015 (sonque s’era major part dera bassa ei desgelada) e s’acabe eth dia 29 de seteme de 2015.

– Ena zòna de pesca intensiva dera Bassa d’Oles: comence eth 2 de mai de 2015 (sonque s’era major part dera bassa ei desgelada) e finalize eth 30 d’octobre de 2015.

2) Trams vedats o refugis de pesca.

– Coma conseqüéncia dera excepcionalitat des aiguats deth 18 de junh de 2013, pr’amor qu’es densitats de trueita dempús dera riada non son suficientes entà perméter era activitat piscicòla, s’an vedat toti es corsi fluviaus dera Val d’Aran, exceptat de:

– Eth tram de pesca controtlada der arriu Garona entre era Presa de Bossòst e era termièra francesa, a on ei permetuda era pesca.

– Eth tram de pesca sense mòrt der arriu Garona entre eth Pònt dera Bordèta e era Presa de Bossòst, a on ei permetuda era pesca ena modalitat sense mòrt.

– Enes zònes de pesca de lacs e basses de nauta montanha, enes trams d’aigües correntes existentes entre desparièrs lacs, non se permet era pesca e se consideren, donc, vedats de pesca.

3) Pesca intensiva. Ena zòna de pesca intensiva dera Bassa d’Oles:

– Se proibís introdusir-se en interior dera bassa entà pescar.

– Eth diuendres ei dia barrat per repoblacion.

– Maxim 8 captures per pescaire e dia.

4) Ams e esques.

– Ei proïbida exprèssament era pesca tamb quinsevolh espècia de peish naturau viu o mòrt.

– Es tipes d’esques permesi vien condicionadi pera qualificacion deth tram:

– Pèsca sense mòrt. Es esques permetudi son:

– Esques artificiaus: sonque damb cua d’arrat, damb un solet am e sense arponet (o arponet aplatit) per esque.

– D’auti trams. Es esques permetudi son:

– Esques artificiaus: culheretes, ninfes, mosques, peishi o bèsties imitades o simulades e quinsevolh aute de natura similara, arponet permetut.

– Esques naturaus: vèrme de tèrra (anellids), vèrme de mèu o tenia (Galleria mellaeonnella), vèrmes de fonda, vèrmes d’arriu, dragues o pèrles (efemeroptèrs, tricoptèrs, plecoptèrs, ortoptèrs), sautamartin e mosques adultes, tamb sonque un am e arponet permetut. Es ganchets que se permeten son es includits entre es mesures num. 1 (un), e 10 (dètz), andús includidi.

5) Mesura minima autorizada.

– Garona: era talha minima per captura ei de vint centimètres (20 cm).

– Ena rèsta de trams non existís mesura minima per captura. Ei permetuda era captura de totes es talhes.

6) Nombre maximum de captures autorizades. Eth nombre maximum de captures autorizades per pescaire e dia ei de:

– Garona: 5 captures/pescaire e dia

– Bassa d’Aiguamòg e lacs: 10 captures/pescaire e dia.

– Zòna de pesca Intensiva dera Bassa d’Oles: 8 captures/pescaire e dia.

7) Tot çò que non prevé aguest Plan especific de pesca serà regulat per Resolucion AAM/341/2015, de 16 de hereuèr, pera quau s’ordène era pesca enes aigües continentaus de Catalonha pendent era tempsada 2015 e pera Lei 22/2009, de 23 de deseme, d’ordenacion sostenibla dera pesca en aigües continentaus.

Mès informacion:DOGC 6857 23.04.15 aprovació pla específic de pesca de la Vall d’Aran 2015