• Ager ena tarde, eth Conselh Generau d’Aran acuelhec er acte de presentacion dera trobalha d’un retrat inedit de Mossen Condò e dera naua publicacion Quaerendo Invenietis, editada per Antòni Peremartí e centrada ena figura e òbra de Jusèp Condò Sambeat

Era sedença deth Conselh Generau d’Aran acuelhec ager ena tarde er acte de presentacion dera trobalha d’un retrat inedit de Mossen Condò Sambeat e dera naua publicacion Quaerendo Invenietis, editada per Antòni Peremartí. Er acte compdèc damb era participacion dera sindica d’Aran, Maria Vergés, e era preséncia des conselhèrs de govèrn Amador Marqués e Angelina Cases e dera conselhèra Rosa Mari Salgueiro.

Gràcies ar extens trabalh de recèrca amiat a tèrme peth pròpri Antòni Peremartí, s’a podut recueprar aguest retrat de Mn. Condò corresponent as Jòcs Floraus de Barcelona de 1915, an en que se proclamèc guanhador deth prèmi extraordinàri damb era sua poesia “Era Maladeta”.

Per un aute costat, se presentèc tanben eth prumèr numèro dera publicacion Quaerendo Invenietis, damb set trabalhs literaris de Mn. Condò presentadi enes Jòcs Floraus de Barcelona.

Aguesta revista culturau, centrada ena vida e òbra de Condò, compdarà damb d’auti numèros dubèrti ara collaboracion de totes es persones interessades ena tematica.