Eth govèrn deth Conselh Generau d’Aran informe que, damb er objectiu d’optimizar toti es recorsi umans e materiaus disponibles e entà esvitar desplaçaments, a compdar de deman se reorganizaran totes aqueres visites programades enes airaus d’atencion primària e medicina especializada der Espitau Val d’Aran en tot priorizar era atencion telefonica. Pendent es pròplèu dies, es professionaus sanitaris se meteran en contacte telefonic damb totes aqueres persones qu’auien cita prèvia en aguesti airaus entà informar-les, conéisher eth motiu dera visita e resòler es dubtes que poguen auer. En aguest sens, sonque se mantieran aqueres visites presenciaus qu’es professionaus considèren de besonh per motius d’urgéncia o gravetat.

Des deth govèrn deth Conselh Generau se vò tanben reiterar er arregraïment ath trabalh e esfòrç qu’amien a tèrme toti es professionaus, en toti es sòns àmbits,  d’Aran Salut, deth Servici Aranés de Benèster e Salut e des enterpreses de servicis externalizadi que i trabalhen.