Vielha, 24 de deseme de 2018.- Eth servici intèrn de transpòrt dera Val d’Aran amplie oraris e servicis en Nadau, damb oraris especiaus era net des dies 24 e 31 de deseme e pendent eth 25 de deseme e 1 de gèr.

S’inicia eth servici de transpòrt regular damb destin a BERET. Eth servici s’iniciarà en Vielha e gesserà dera parada situada en Av. Alcalde Barra (cine) tàs 08:45 e tàs 10:10. Era gessuda de Beret serà tàs 13:45 e tàs 15:00 ores.

Eth prètz deth viatge ei de 2,10€.

Eth servici circularà des deth 23 de deseme enquiath 7 de gèr a diari, excepte es dies 25 de deseme e 1 de gèr, e pendent totes dimenjades e hestèrs enquiara fin dera sason d’esquí.

Era informacion sus aguest renfortiment apareisherà enes pantalhes informatives des parades entà auer informadi as viatgèrs se se produsís quauqua incidéncia.

Era conselhèra de Torisme d’Aran, Anna Díaz, expliquèc que “deuant dera prevision d’ua nauta aucupacion toristica pendent eth Nadau ena Val d’Aran, s’a decidit recuperar aguest renfortiment dera linha intèrna de transpòrt per melhorar eth servici que s’aufrís a visitants e usatgèrs abituaus que cada viatge utilizen mès aguest servici de transpòrt public intèrn“.