Vielha, 29 de març de 2018.- Aguesta setmana eth sindic d’Aran, Carlos Barrera e eth baile de Naut Aran e vicesindic 2au, Cesar Ruíz Canela, an signat un convèni qu’eth Conselh Generau d’Aran destine mejançant 60.000€ er engodronat dera pista d’Aiguamòg.

Aguesta accion per part deth Conselh Generau s’includís laguens es accions entara recuperacion e era mantenença entara melhora dera seguretat e facilitar es accèssi as pistes forestaus dera Val d’Aran de cara ara sason de primauera e estiu en que son fòrça es visitants e tanben es aranesi que les utilizen entà accedir as paratges naturaus mès emblematics d’Aran, que son un recors toristic de prumèr orde pendent fòrça mesi der an, a fin de hèr-les visitables e protegir aguesti espacis.