Imatge d’archiu

• En tot seguir eth plan de vacunacion establit pes autoritats sanitàries, aguesti dies s’administren es prumères 100 dòsis dera vacuna d’AstraZeneca/Oxford ath personau sanitari de dusau linha e personau essenciau

Ager, en tot seguir eth plan de vacunacion gestionat peth departament de Salut dera Generalitat de Catalunya, s’inicièc era dusau fasa de vacunacion contra era COVID-19 ena Val d’Aran, que contunharà tanben pendent era tarde d’aué.

“Auem recebut 100 dòsis dera vacuna d’AstraZeneca/Oxford per part deth Departament de Salut, que se distribuiràn ath personau sanitari de dusau linha e personau essenciau, as qu’a citat eth pròpri departament” explicaue era sindica d’Aran, Maria Vergés.

En aguesti moments, ena Val d’Aran s’an administrat dejà es dues dòsis dera vacuna de Pfizer as usatgèrs e usatgères dera Residéncia Sant Antòni e eth centre de dia, ath personau sanitari e essenciau dera Residéncia e er Espitau Val d’Aran e tanben ath personau de transpòrt sanitari