Vielha, 12 d’abriu de 2019.- Era referent d’aucupacion juvenila, Sonia Faure, eth passat dimèrcles 10 d’Abriu realizèc un talhèr entàs alumnes de 2n de bachilierat der IES d’Aran damb er objectiu d’ajudar-les a afrontar eth mon laborau de manèra mès òptima.

S’amièren a tèrme diuèrses activitats enfocades ena importància d’auer un bon autoconeishement sus es pròpies capacitats, aptituds e dificultats, que pòden veder-se rebatudes tant en dia a dia coma en lòc de trabalh. Es estudiants poderen veir era diferéncia entre ua entrevista laborau tradicionau e ua entrevista a on se valòren disparières competéncies personaus com eth trabalh en equip, era capacitat de resòlver conflictes, era motivacion, era assertivitat…

Es alumnes aueren mès dificultats ara ora de definir-se a eri madeishi, ja que segontes diden “non son acostumadi”, donques ei un exercici que demane introspeccion e consciència d’aqueri aspèctes naturaus e innats que consideram formen part dera nòsta personalitat.

Pendent es proplèus setmanes ei previst hèr diuèrses dinàmiques entàs alumnes de 4t d’ESO e es de cicle administratiu en Institut d’Aran.