Vielha, 27 de noveme de 2018.- Eth Conselh Generau d’Aran en collaboracion damb era Confederacion Turalcat organize eth dimèrcles 28 de noveme des 18:00 as 21:00 ores eth talhèr “Promocion en Hilat dera Val d’Aran Rurau” qu’aurà lòc ena Sala d’Actes deth Conselh Generau (3au Planta).

Aguest talhèr, premanit pera Confederacion Turalcat, per comanda dera subdireccion generau d’Industries e Qualitat Agroalimentàries, deth Departament d’Agricultura, Ramaderia, Pesca e Alimentacion dera Generalitat de Catalonha, forme part deth projècte “Fem Xarxa a la Catalunya Rural” destinat a fomentar era venta directa de productes de qualitat entà convertir-la en un nau atractiu toristic.

Eth talhèr permet impulsar mecanismes de promocion conjunta entre es productors agroalimentaris e es sectors toristics (restaurants, lotjaments ruraus e activitats) damb er objectiu d’impulsar era venta directa as toristes e captar naui segments de viatgèrs atreti pera qualitat dera ofèrta gastronomica.

Participar en aguest talhèr permet descrobrir coma convertir es toristes en clients des sòns productes (venta + activitats de dinamitzacion). Artènher presència gratuïta ena naua plataforma web www.catalunyarural.cat que promocionarà eth torisme rurau e era gastronomía. Descrobrir qu’ei molt fàcil e rentable crear un Punt de Venta Directa, e establir acòrds de collaboracion damb lotjaments e restaurants tà promòir es productes.

Era inscripcion ei gratuïta mès ei imprescindible reservar plaça en https://goo.gl/forms/nemSvjljWTZnKTOI2