Vielha, 23 de hereuèr de 2018.- Eth Govèrn d’Aran a trauès dera Oficina de Joenessa d’Aran en collaboracion damb eth SABS (Servici Aranés de Benèster e Salut), realize en INS d’Aran diuèrsi talhèrs de promocion e prevencion dera salut centrada ena prevencion des adiccions as substàncies.
Ath long deth cors escolar se hèn dues sessions cadua des aules de 1èr, 2au, 3au e 4au d’ESO der Institut, damb er objectiu de favorir eth procès de reflexion critica, aumentar era percepcion de risc associat ath consum de determinades substàncies, evitar o retardar er inici deth consum e refortilhar positivaments era opcion des joeni non consumidors.
Enes talhèrs participatius se trabalhe damb diuèrses metodologies, es concèptes e es tematiques, son realizades per professionaus der àmbit dera salut e de politiques juveniles damb coneishements ena matèria e en desvolopament d’aguestes activitats. Estefania Revilla, educatritz Sociau e Tecnica de Joenessa deth Conselh Generau d’Aran, Marta Pàmies, medicau e Francisco Maranges, infermièr d’Atencion Primària der Espitau dera Val d’Aran.
En tot depéner deth cors se trabalhen aspèctes concrèts:
- 1º d’ESO: introduccion ath concèpte dròga, tipe, mites e credences.
- 2º d’ESO: alcoòl e tabac, efèctes e conseqüéncies.
- 3º d’ESO: alcoòl e tabac. Pression de grop.
- 4º d’ESO: cannabis, efèctes, conseqüéncies. Pression de grop.
Eth vicesindic d’Aran i conselhèr de Joenessa, Luís Carlos Medina, expliquèc que “era realizacion d’aguesti talhèrs en INS d’Aran, arrespon ath hèt de facilitar as alumnes es estruments que les permeten préner decisions de manèra arrasonada deuant ua situacion d’aufèrta de drògues e qu’agen ua informacion de qualitat que les permete escuélher e èster consequents damb era sua decision”.
