- Era Escòla de Tecnics Esportius dera Val d’Aran (ETEVA) a realizat aguest maitin un talhèr d’enceratge d’esquís.
- Alumnes der IES Aran an realizat un talhèr de dinamizacion deth reciclatge, adreçat mès que mès as joeni, nomentat Projècte Capvire, que preten contunhar incrementant era conscienciacion e sensibilizacion des abitants dera Val d’Aran envèrs era recuelhuda selectiva des residus.
Talhèr d’enceratge d’esquís a cargue dera ETEVA.
Talhèr d’enceratge a cargue dera ETEVA.
Alumnes der IES Aran en talhèr de reciclatge.
Damb motiu dera celebracion deth Snowfest en Vielha aguesta dimenjada deth 27 ath 29 de noveme, eth Conselh Generau d’Aran, amassa damb era empresa Romero Polo, SAU, concessionària deth servici de gestion des residus municipaus dera Val d’Aran des de principi d’enguan 2015, vòlen profitar era oportunitat de comunicar a toti es assistents es campanhes qu’amien a tèrme ath torn deth reciclatge.
Aué diuendres 27 de noveme peth maitin, en coordinacion damb er IES Aran s’a realizat un talhèr de dinamizacion deth reciclatge, adreçat mès que mès as joeni, nomentat Projècte Capvire, que preten contunhar incrementant era conscienciacion e sensibilizacion des abitants dera Val d’Aran envèrs era recuelhuda selectiva des residus municipaus entà melhorar era imatge deth territòri distinguit ja damb era catalogacion de territòri Biosphere.
Pendent er SNOWFEST i auràn talhèrs dauridi ath public sus diuèrses dinamiques entà fomentar era sensibilizacion envèrs eth reciclatge.
En paraules deth conselhèr de Territòri d’Aran, Jose A. Boya, “era accion deth Govèrn d’Aran s’enquadre laguens deth sòn programa d’accions entà hèr partícips as ciutadans dera Val d’Aran dera sua responsabilitat ena conservacion der entorn e des beneficis generaus que se pòden arténher damb ua melhor participacion de toti ena recuelhuda selectiva des residus municipaus”.
Programa Snowfest:
