Vielha, 1 de junhsèga de 2019.- Eth Conselh Generau d’Aran contunhe en tot trabalhar damb accions enes pistes forestaus laguens des prètzhèts de melhora e conservacion des accèssi ar auviatge naturau e culturau dera Val d’Aran.

Prevision de talhs setmana der 1 enquiath 7 de junhsèga de 2019:

Era pista de St. Joan, de Varradòs en Vilamòs, demorarà talhada pendent es 24 ores deth dia de deluns a dimenge.

Era pista de Varradòs, deth crotze d’Arròs enquia Bòrdes dera Artiga, demorarà dubèrta tota era setmana.

Era pista dera Artiga de Lin, deth Pònt deth Còc enquiara desviacion per Varicauva, demorarà talhada pendent es 24 ores deth dia deluns, diuendres e dissabte. Era pista demorarà dubèrta dimars, dimèrcles, dijaus e dimenge.

Era pista dera Artiga de Lin, dera desviacion per Varicauva enquiath Plan dera Artiga de Lin, demorarà talhada pendent es 24 ores deth dia deluns e diuendres. Era pista demorarà dubèrta dimars, dimèrcles, dijaus e era dimenjada.

Ena pista de Mina Victòria, d’Arres de Sus enquiara Bassa d’Arres, es òbres provocaràn talhs puntuaus de 10 a 15 menutes de durada de deluns a dijaus. Diuendres e era dimenjada era pista demorarà dubèrta.

Era pista de Mina Victòria, dera Bassa d’Arres enquia Bossòst, demorarà dubèrta tota era setmana.

Era pista de Valarties, deth Pònt de Valarties enquiath Plan de Nera, demorarà dubèrta tota era setmana.

Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.