Vielha, 27 de junh de 2017.- Eth pròplèu dijaus 29 de junh entàs 19.30 ores aurà lòc ena sedença deth Conselh Generau d’Aran, ua charrada-collòqui jos eth títol de “Torisme e naues tecnologies: Era economia aranesa deth S XXI”.

Era conferéncia serà impartida per Jacint Berengueras, project manager e data scientist de OcSTEM Solutions.

Era Val d’Aran, e en especiau es sues enterpreses deth sector toristic, an de premanir-se entà concórrer en ua economia globalizada qu’es compausants tecnologics digitaus cada viatge an major pes; per açò, eth desvolopament economic deth territòri passe per un emplec massiu des tecnologies dera informacion e era comunicacion (TIC).

Era presentacion dera charrada-collòqui sus es oportunitats de futur deth sector toristic ena Val d’Aran, anarà a cargue deth vicesindic d’Aran, Luís Carlos Medina.

Era conferéncia dubèrta ath public aurà lòc ena sala de premsa 3au planta, deth Conselh Generau d’Aran.