Eth passat deluns, 16 de mai, se trobèren es rèstes recentes fòrça consumides pes carronhaires d’ua ossa en municipi de Vielha e Mijaran. Es rèstes poderen èster recuperades gràcies ara collaboracion d’un particular qu’informèc as agents deth Conselh Generau d’Aran deth cadavre, trobat casuaument en veir ua acumulacion d’arrianglos ath torn deth còs.

Segons es resultats dera necròpsia, realizada en Servici d’Ecopatologia de Fauna Sauvatja (UAB), era causa dera mòrt der animau (aparentament ua femelha joena d’1,5 ans) damb fòrça probabilitat un atac realizat per un aute os. Pendent era necròpsia, enes rèstes se poderen identificar diuèrsi traumatismes resultat de mossegades e esgarrapades (avantbraç trincat per mossegades, morro arrincat, herida d’uelhaus ena part posteriora…) e d’autes resultat d’ua queiguda (anca e era practica totalitat des costelhes deth costat esquèr espartides) que li causèren era mòrt. Actuauments se realizen analisis genetiques addicionaus entà sajar de determinar era filiacion, autant dera victima coma der os agressor.

Imatge dera necròpsia 

Vielha, 24 de mai de 2016

Conselh Generau d’Aran: Núria Sanjuan