• Per çò que tanh ara ossa trobada mòrta eth passat mes de mai, naues analitiques an corroborat que se tractaue efectivaments d’ua femelha e que presentaue lesions cerebrals frut d’un fòrt còp ocasionat pera madeisha queiguda que li causèc era mòrt, queiguda que se produsic dempús d’èster atacada per un aute animau, presomptaments un os mascle.
• Goiat, er os liberat en Pallrs en marc deth programa Piroslife eth passat deluns dia 6 de junh, s’a localizat aué en municipi de Naut Aran, en ua zòna pròpèra ara termièra.
Pendent es darrères setmanes s’a localizat ua ossa damb dus cadèths d´enguan en municipi de Naut Aran. Era ossa, que presente un comportament esquiu e discrèt, se tròbe en un endret de dificil accès, entà sajar d’evitar quinsevolh interaccion damb cap mascle pendent era epòca de “zel”. Era trobalha anèc cargue dera equipa de seguiment der os brun de DEPANA, qu’a hèt eth contròl e observacion aguesti dies, en collaboracion e jos era supervision deth Conselh Generau d’Aran, qu’arregraís era collaboracion ciutadana, coma passèc damb era ossa trobada mòrta eth passat 16 de mai.
Per çò que tanh ara ossa trobada mòrta, naues analítiques an corroborat que se tractaue efectivaments d’ua femelha e que presentaue lesions cerebrals frut d’un fòrt còp ocasionat pera madeisha queiguda que li causèc era mòrt, queiguda que se produsic dempús d’èster atacada per un aute animau, presomptaments un os mascle. Es prumèrs resultats dera analisi genetica, sense èster concloents, semblen apuntar qu’era ossa mòrta apoiridie tractar-se d’ua cria deth 2014 de Fadeta e Pyros, donques, serie era fraia dera ossa Aubèrta.
Tanben, s’informe qu’eth mascle Goiat, liberat en Pallars en marc deth programa Piroslife eth passat deluns dia 6 de junh, s’a localizat aué en municipi de Naut Aran, en ua zòna pròpèra ara termièra. S’a localizat gràcies ath colhar GPS e radiotransmissors.
Vielha, 10 de junh de 2016
Conselh Generau d’Aran: Núria Sanjuan
Imatges: Es imatges dera familha d´ossi son propietat d´Oriol Alamany/Depana e cedides exclusivament entara difussion d´aguesta notícia