Ues 50 persones s’an concentrat aguesta tarde ena plaça deth Conselh Generau d’Aran entà manifestar eth sòn supòrt ath president dera Generalitat de Catalonha en Foncions, Artur Mas, ara conselhèra d’Ensenhament, Irene Rigau e ara exvicepresidenta deth Govern dera Generalitat de Catalonha, Joana Ortega, per motiu deth sòn emplaçament entà declarar coma imputadi peth Tribunal Superior de Justicia de Catalonha pera consulta deth 9-N.

Ena concentracion, ena que i an assistit eth sindic d’Aran, Carlos Barrera, acompanhat per equip deth Govèrn aranés, ath delà de bailes de diuèrsi Ajuntaments dera Val d’Aran, representants aranesi dera ANC, e gent que s’a volut híger entà deféner e respectar es libertats publiques e es drets fonamentaus, en tot dar supòrt as persones qu’, ena sua responsabilitat politica e sociau, decidiren qu’eth pòble de Catalonha poguèsse manifestar era sua opinion de forma democratica dauant es urnes.