Aguest ei eth 4au an qu’eth Conselh Generau d’Aran renauís era collaboracion damb eth Projecte Boscos de Muntanya, damb er objectiu dera recuperacion de forma tradicionau de camins de montanha e trabalhs de regeneracion de bòsqui.

Pendent aguesta prumèra quinzea deth mes d’abriu, uns 20 volentaris de Projecte Boscos de Muntanya an realizat diuèrsi trebalhs silvicòles en tèrme municipau de Bossòst: camin dera Tretura, en tram comprès ena pista de Saubago e ena carretèra deth Portilhon.

Entre es agents implicats enes activitats que realizen aguesti volontaris i a eth Conselh Generau d’Aran damb era coordinacion tecnica des trebalhs (tecnic forestau e Agents de Miei Ambient) e eth lotjament pendent es setmanes d’estades ena Aubèrja Matacabòs de Les (depenent deth Conselh), a mès a mès der Ajuntament de Bossòst.

Aguesta entitat nomentada Projecte Boscos de Muntanya (Bergwald Projekt), ei ua entitat sense anims de lucre que trebalhe entà preservar e melhorar es bòsqui e paissatges tradicionaus de montanha en tot eth Pirenèu, mejançant estades de voluntaris adults.

En paraules de Jose E. Arró, conselhèr d’Agricultura, Ramaderia e Medi Naturau d’Aran “er objectiu d’aguest collectiu ei eth manteniment, eth suenhar e protegir es nòsti bòsqui mejançant era silvicultura e gestion forestau, dant fòrça importancia ara difusion e educacion entara melhora deth bòsc e era sua consevacion.”

Contunham trabalhant tath nòste país.

Mès informacion: http://www.projecteboscos.cat/