Vielha, 25 de gèr de 2019.- Es servicis de Pompièrs e Emergéncies d’Aran en coordinacion damb Mossos d’Esquadra e agents dera Policia Nacionau an trabalhat pendent eth dia d’aué ena estabilizacion d’un camion de transpòrt de combustible qu’aguest maitin a sofrit ua gessuda de via ena carretèra LV-5055 d’accès enes pòbles de Vilamòs e Arres.

Es efectius d’Emergéncies e Pompièrs d’Aran an procedit a protegir era zòna entà verificar qu’eth camion non auesse sofrit damatges e que non i auesse cap risc de pèrta de combustible ena cistèrna. Un còp an verificat que non i auie cap pèrta s’a procedit ath transvasament deth combustible a un aute camion.

Es responsables de Pompièrs e Emergéncies d’Aran, avalorauen a darrèra ora deth ser amassa damb es manòbres des grues eth procediment entara evacuacion deth veïcul accidentat.