Es dies 8-9-10-11 de junhsèga era Escòla de Tecnics Esportius dera Val d’Aran (Aubèrja Era Garona de Salardú) acuelherà eth cors dera Universitat Rovira i Virgili: “Reconeishença deth patrimòni. Era Val d’Aran. Patrimòni immateriau, naturau, immòble e mòble”.

Era Val d’Aran trebalhe en desparièrs eishi, e un des grani objectius ei era maximala catalogacion coma Patrimòni dera Umanitat

S’a presentat ena sala d’actes deth Conselh Generau d’Aran eth cors qu’era Universitat Rovira Virgili impartirà en junhsèga ena Val d’Aran: “Reconeishença der patrimòni. Era Val d’Aran. Patrimòni immateriau, naturau, immòble e mòble”. Er acte a compdat damb era preséncia deth sindic d’Aran, Carlos Barrera, deth director dera Escòla Superiora d’Arquitectura dera Universitat Rovira i Virgili, Josep Lluis e Ginovart, deth cap de Cultura e Patrimòni d’Aran, Jèp de Montoya, e deth cap de Politica Lingüistica d’Aran, Jusèp Loís Sans. Tanben an assistit ar acte, eth vicari generau der Avescat d’Urgelh, Mossen Josep Mª Mauri e er archiprest dera Val d’Aran, Mossen Pere Balaguer.

Er objectiu deth cors ei eth desvolopament des estruments e capacitats entar estudi multidisciplinari deth patrimòni en generau. A coma prioritat era reconeishença deth Patrimòni dera Val d’Aran, enes vessants Auviatge immateriau, naturau, immòble e mòble.

S’especializarà damb es procediments entara reconeishença e contengut des bastisses istoriques.

S’adrece autant as estudiants coma as professionaus que volguen agranir e/o aprigondir enes encastres des coneishences deth patrimòni, provenenti de disciplines coma arquitectura, engenharia de bastisses, arqueologia, topografia, istòria e/o istòria der art.

En paraules deth sindic d’Aran, Carlos Barrera “es linhes mèstres deth Conselh de Govèrn e deth Departament de Cultura e Patrimòni d’Aran son trabalhar entà arténher eth maximal de reconeishença e catalogacion deth nòste patrimòni. Er orizon se fixe en obtier era catalogacion de patrimòni dera umanitat. En aguesta idèa eth Conselh Generau d’Aran amassa damb era Escòla Superiora dera Universitat Rovira e Virgili trabalhen ena confeccion de projèctes arquitectonics damb era reconeishença de patologies e solucions as madeishes sus era totalitat de glèises e capèles dera nòsta Val d’Aran”.

Eth cap de Cultura e Patrimòni d’Aran, Jèp de Montoya, a ahijut que “er an passat se realizèren 3 estudis e enguan s’an hèt 10 mès damb d’autes accions coma er estudi dera nòsta preistòria, era restauracion des nòsti relòtges de campanaus, er estudi des nòsti campanaus e campanes, er estudi e aprobacion des expedients sus es hèstes solsticials e des haros entà que venguen hèstes patrimoniaus e contunhar es procèssi entà que siguen hèstes patrimoniaus dera Umanitat, atau coma era promocion des nòsti balhs, romeries, barbacans, processons de Setmana Santa o gastronomia entre d’auti. Aguesti son es objectius envèrs que caminam entà qu’era Val d’Aran obtengue era còta maximala de patrimòni mondiau qu’aurie de concedir era UNESCO”.

Programa deth cors

Eth cors s’estructure en 4 dies enes que se combinaràn; peth maitin es classes magistraus, e pes tardes es visites guidades. Se realizarà eth darrèr dia trabalh practic de camp damb era aproximacion a diferenti elements patrimoniaus dera Val d’Aran segontes es paramètres establidi enes sessions teoriques, restacat damb es glèises dera Val d’Aran. Es classes s’organizen des d’un punt d’enguarda ample de patrimòni: patrimòni naturau, culturau, bens immòbles, bens mòbles e tanben eth patrimòni immateriau.

8 junhsèga.

10.00-11,15 ores. Presentacion deth Cors. Dr. Josep Lluis e Ginovart. Coordinador deth Cors Reconeishença deth Patrimòni. Era Val d’Aran. Patrimòni immateriau, naturau, immòble e mòble. Professor dera Escòla Tecnica Superiora d’Arquitectura dera Universitat Rovira i Virgili.

11,15-12,30 ores. Eth patrimòni eclesiastic dera Val d’Aran. Mn. Josep M. Mauri i Prior, Vicari Generau e Ecònom diocesan der avescat dera Seu d’Urgelh.

12,30-14,00 ores. Inauguracion Cors 2014 a cargue deth Sindic d’Aran. Mgfc. Sr. Carlos Barrera Sánchez. Eth futur deth Patrimòni ena Val d’Aran, Sr. Jèp de Montoya e Parra, cap de Cultura e Patrimòni deth Conselh Generau d’Aran.

17,00-19,00 ores Visita ath Plan de Beret. Sra. Elisa Ros Barbosa, arqueològa e istoriana der art. Tecniciana dde Patrimòni deth Conselh Generau d’Aran.

9 junhsèga.

10.00-11,15 ores. Eth patrimòni naturau dera Vau d’Aran. Sr. Jordi Gavaldà. Geòleg. Responsable deth Centre de Lauegi Val d’Aran.

11,15-12,30 ores. Eth patrimòni mòble dera Val d’Aran. Sra. Elisa Ros Barbosa,
arqueològa e istoriana der art. Tecniciana de Patrimòni deth Conselh Generau d’Aran.

12,30- 14,00 ores. Eth patrimòni immateriau dera Val d’Aran. Sr. Jèp de Montoya e Parra, cap de Cultura e Patrimòni deth Conselh Generau d’Aran.

17,00-19,00 ores. Visita guidada. Territòri dera Val d’Aran. Jordi Gavaldà. Geòleg. Responsable deth Centre de Lauegi Val d’Aran.

10 junhsèga.

10.00-11,15 ores. Singularitats deth patrimòni immòble dera Val d’Aran. Sr. Agustí Costa i Jover. Era Escòla Tecnica Superiora d’Arquitectura dera Universitat Rovira i Virgili.

11,15-12,30 ores. Recèrca entorn deth patrimòni arquitectonic dera Val d’Aran. Dr. Josep Lluis i Ginovart. Professor dera Escòla Tecnica Superiora d’Arquitectura dera Universitat Rovira i Virgili.

12,30- 14,00 ores. Era representacion grafica deth patrimòni arquitectonic. Dr. Josep Bertran i Ilari. Director dera Escòla Tecnica Superiora d’Arquitectura dera Universitat Rovira i Virgili.

17,00-19,00 ores. Visita Santa Maria d’Arties. Sra. Elisa Ros Barbosa, arqueòloga e istoriana der art. Tecniciana de Patrimòni Conselh Generau d’Aran.

11 junhsèga.

9,00-14,00 ores Metodologies pera reconeishença deth patrimòni arquitectonic. Trabalh de Camp. Dr. Josep Lluis i Ginovart, Sr. Agustí Costa i Jover. Escòla Tecnica Superiora d’Arquitectura dera Universitat Rovira i Virgili.

17,00-19,00 ores. Talhèr pera reconeishença deth patrimòni arquitectonic. Clausura deth Cors, s’autrege era Certificacion d’Assisténcia e profitament.

Idiòmes oficiaus

Es classes s’impartiràn en catalan e aranés

Lòc Cors

Aubèrja Era Garona de Salardú, Ctra. Baqueira, s/n, Salardú, Tel: 973 645271, Fax: 973 644136, info@tojuaran.com

Lotjament

Lotjament aubèrja Matacabòs de Les. Dinar e sopar ena aubèrja Era Garona de Salardú.

Pension complèta 25€ Mieja pension 20€.

Aubèrja Matacabòs de Les, C/ de Sant Jaime, s/n, 25540 Les. Tel. 973645241

Aubèrja Era Garona de Salardú, Ctra. Baqueira, s/n, 25598 Salardú. Tel. 973 645271, Fax: 973 644136, info@tojuaran.com.