Vielha, 30 de març de 2017.- Ua delegacion des Pompièrs dera agropacion Sud dera Haute Garonne, dirigida peth Tinent Coronèl Sylvaine Gergaud acompanhat des responsables des Parcs de Pompièrs mès pròplèus ara Val d’Aran, an realizat ua visita as installacions deth Tunèl de Vielha, gestionat peth Ministèri de Foment. Es Pompièrs an estat acompanhadi deth conselhèr de Territòri deth Govèrn d’Aran, José Antonio Boya e deth director d’Explotacion deth Tunèl de Vielha.

Pendent era visita es Pompièrs an pogut conéisher de prumèra man eth sistèma operatiu d’emergéncies deth Tunèl de Vielha e visitar era sala de contròl.

Aguesta visita, s’includís laguens des accions de collaboracion que periodicaments amien a tèrme es Pompièrs dera Haute Garonne e Pompièrs d’Aran.

Cap arrebrembar que, pendent er an 2016, enquia en cinc ocasions es Pompièrs d’Aran se desplacèren en França entà dar supòrt as companhs francesi en desparières accions d’emergéncia.

Tant es responsables des parcs de Pompièrs de França coma es des Pompièrs d’Aran, an manifestat eth sòn interès en contunhar e ampliar es relacions de collaboracion.