X Jornades Micologiques dera Val d’Aran deth 13 ath 18 de seteme

Era setmana deth 13 ath 18 de seteme, eth Departament d’Agricultura, Ramaderia e Medi Naturau deth Conselh Generau d’Aran organize un an mès es X Jornades Micologiques dera Val d’Aran amassa damb era Societat Catalana de Micologia e damb era collaboracion dera Escòla d’Ostalaria de Les.

Enguan i auràn tres gessudes de camp entà apregondir en mon dera micologia a cargue der equip docent Societat Catalana de Micologia (es dies 15, 16 e 18 de seteme); tanben i aurà un talhèr de gastronomia sus misharnons eth dijaus 15 ena escòla d’Ostalaria de Les damb Marc Nus (chef deth restaurant d’Era Coquèla); ath delà, eth eth dissabte 17, tàs 18:00 ores en Conselh Generau d’Aran se realizarà ua jornada sus es oportunitats en desvolopament deth micoturisme a cargue de Fernando Martínez (Centro de Investigación y Tecnología Agroalimentaria de Aragón) e Joaquin Latorre (Programa de Micologia de Castilla y León, MICOCYL-CESEFOR) e tanben era visita ara exposicion de misharnons e espaci infantil que serà plaçada ena escòla d’Ostalaria de Les era dimenjada deth 17 ath 18 de seteme.

Poderatz degustar tanben un pinxo pote de misharnons enes bars dera Val d’Aran: eth dimars, 13 de seteme en Vielha; eth dijaus, 15 de seteme en Bossòst; e eth diuendres, 16 de seteme en Les.