Vielha, 22 de hereuèr de 2019.- Aguesta dimenjada eth Club CEVA (Club Esquí Val d’Aran) organize era XXIau edicion deth Trofèu Memoriau Montse Corominas en Beret.

Eth Trofèu Memoriau Montse Corominas gaudís d’un gran prestigi ena organizacion de carrères pera sua qualitat e era dificultat enes pròves. Ei ua des pròves classiques deth circuit dera Liga Catalana U14.

Eth Trofèu qu’est an passat compdèc damb era participacion de mès de 300 esquiaires se disputarà eth dissabte 23 de hereuèr damb eth Gigant e eth dimenge 24 damb eth Slalom en Stadium de Beret.

Eth Trofèu Memoriau Montse Corominas compde damb era collaboracion deth Conselh Generau d’Aran, Torisme Val d’Aran, Ajuntament de Naut Aran e Baqueira Beret entre d’auti.

Montse Corominas siguec ua grana esportista e esquiaira. Campiona d’Espanha diuèrsi còps entre 1955 e 1960. Siguec impulsora der esquí damb mainatges e mainades dera Val d’Aran enes inicis dera estacion de Baqueira Beret, en tot arténher materiau e en tot collaborar ena organizacion de corsi. Montse Corominas siguec tanben fondadora e directiva deth Club CEVA.