Vielha, 24 d’agost de 2017.- Eth pròplèu dimenge 27 d’agost debanarà ua naua edicion, e ja en son 21, dera Corsa e Caminada des 15 pòbles, organizada pes Volontaris d’Aran.
Era Corsa e Caminada des 15 pòbles s’a assolidat coma ua activitat esportiua qu’a compdar deth sòn origen cerque a trauès d’aguesta pròva esportiua era recuperacion des ancians camins e es vies de comunicacion entre es pòbles pirenencs, en tot passar a èster part der auviatge naturau e tanben istoric dera Val d’Aran.

Amassa damb era Corsa e Caminada des 15 pòbles, se disputaràn era XXVIIIau edicion deth trofèu Roland Ginè, eth 4au Trofèu Maribel e Iñigo, e eth 2au Trofèu Arturo Riba.

Era distància ei de 21km. Eth desnivèu positiu dera corsa ei de 1.300 m e eth negatiu ei de 1.200 m. Mès, eth recorregut compde damb tres opcions mès:
– Caminada de 15 km damb 830 m de desnivèu positiu e 730 m de desnivèu negatiu.
– Caminada de 5 km damb 200 m de desnivèu negatiu.
– Còrsa Juvenila damb eth madeish recorregut qu’era Caminada de 5 km.

Es inscripcions entà participar-i encara se pòden formalizar en:

www.corsa15pobles.org  – enquiath dijaus 24 tas 23:59 ores

Banc de Sabadell de Vielha: enquiath dijaus 24 tas 13:30 ores

Inscripcions presenciaus e recuelhuda de dorsaus ena Plaça deth Conselh Generau d’Aran:

Diuendres dia 25 d’agost: de 17:00 a 20:00 ores.

Dissabte dia 26 d’agost: de 10:00 a 13:00 e de 17:00 a 20:00 ores.

Cau tier en compde qu’es inscripcions presenciaus des dies 25 e 26, auràn un increment de 5 € en prètz d’inscripcion.
Era Corsa e Caminada des 15 pòbles compde damb eth patrocini e era collaboracion deth Conselh Generau d’Aran e de Foment Torisme Val d’Aran.
Trobaratz tota era informacion ací: http://www.corsa15pobles.org/